👶 Кыргызстанда быйылкы жылдын алгачкы төрт айында 44 666 ымыркай төрөлгөндө берилүүчү «Балага сүйүнчү» бир жолку жөлөк пулун алышты.
💰 Бул жөлөк пулдардын жалпы суммасы 178,9 миллион сомду түздү.
📉 Өткөн жылдын ушул эле мезгилинде 48 534 балага 194,96 миллион сом бөлүнгөн эле.
🍼 Жөлөк пулдун өлчөмү: бир бала төрөлгөндө 4 000 сом, үч жана андан көп бала бир учурда төрөлгөндө ар бир балага 50 000 сом.
📋 Жөлөк пулду алуу үчүн жарандар калкты тейлөө борборлоруна же ЗАГС органдарына кайрылып, баланын төрөлгөн күнүнөн тартып 6 ай ичинде арыз бериш керек.
🏦 Арыз берилгенден кийин 2 жумуш күн ичинде акча банк эсебине которулат, же болбосо «Элдик Банк» жана «Айыл Банк» филиалдары аркылуу 6 ай ичинде накталай алса болот.
📱 Арыз берүүдө туура мобилдик телефон номерин көрсөтүү маанилүү, анткени банк акча которулган соң СМС билдирүү жөнөтөт.
👨👩👧👦 «Балага сүйүнчү» программасы үй-бүлөлөрдү колдоо жана баланын төрөлгөн күнүнөн тартып расмий документтерди тариздөөнү стимулдаштыруу менен социалдык функциясын аткарууну улантууда.
