🚧 Нарын облусундагы курулуш иштеринин жүрүшү менен таанышуу учурунда, министрлер кабинетинин төрагасы Адылбек Касымалиев Кочкор районундагы автовокзалдын курулушун карап чыкты.
🏗️ Автовокзалдын курулушу 1,5 гектар аянтты ээлеп, республикалык бюджеттен 395,579 млн сом бөлүнгөн. Учурда фундаментти куруу иштери жүрүп жатат.
🛣️ Нарын шаарындагы жана Нарын-Баетов автожолундагы жол курулуштары да каралды. Ленина көчөсүнүн узундугу 9,5 км, ал эми Ж. Шералиев көчөсүнүн узундугу 2,2 км түзөт. Жолдорду кеңейтүү, асфальт төшөө жана айрым объекттерди демонтаждоо иштери жүрүп жатат.
✈️ Нарын шаарындагы аэропорттун курулуш иштеринде аэродромдун асфальтобетон каптамасын, учуп-конуу тилкесин жана башка объекттерди оңдоо жана реконструкциялоо иштери жүрүп жатат. Бул иштер аяктагандан кийин жүргүнчүлөр үчүн ыңгайлуу шарттар түзүлүп, ички авиакаттамдарды калыбына келтирүү мүмкүнчүлүгү пайда болот.
🕒 Адылбек Касымалиев тиешелүү мамлекеттик органдардын жана курулуш компанияларынын жетекчилерине курулуштун сапатына өзгөчө көңүл буруп, бардык объекттерди белгиленген мөөнөттө бүтүрүүнү тапшырды.
