📈 Кыргыз Республикасынын Президентинин администрациясынын жетекчиси Адылбек Касымалиев мамлекеттик салык кызматынын 35 жылдык мааракесине арналган иш-чарага катышты. Ал салык системасынын иштеши ар бир жаран менен ишкердин өлкө алдындагы милдетин аткаруудагы маанилүү көрсөткүч экенин белгиледи.
💼 Налог системасы чоң илим жана саясат болуп саналат. Салык кызматы салык чогултуу менен эле чектелбестен, бизнес менен өнөктөштүктө иштеп, коомдун муктаждыктарын түшүнгөн жана ачык-айкындыкка умтулган кызматка айланды.
💡 Акыркы жылдары улуттук кирешени кайра бөлүштүрүү функциясы начар аткарылып келсе да, заманбап технологиялар жана жаңы эрежелердин киргизилиши менен көмүскө экономика легалдаштырылып, финансылык агымдар ачык-айкын болуп калды.
📊 2024-жылы салык жана камсыздандыруу төгүмдөрү 302,4 миллиард сомду түздү, бул 2023-жылга салыштырмалуу 53 миллиард сомго көп жана өсүш 21% ашты. Быйылкы жылдын алгачкы 5 айында салык жана камсыздандыруу төгүмдөрүнүн кирешеси 147,4 миллиард сомду түзүп, өткөн жылдын ушул мезгилине салыштырмалуу 28% өстү.
🔄 Налог кызматы санариптик өнүгүү багытын алган күчтүү мамлекеттик орган болуп саналат. Санариптештирүү жана автоматташтыруу, салык башкарууну өркүндөтүү, көмүскө экономика менен күрөшүү, калк жана бизнес менен диалогду кеңейтүү, салыкты ыктыярдуу жана өз убагында төлөө шарттарын түзүү маанилүү.
🤝 Бизнес өнөктөш катары кабыл алынышы керек. Налог системасы бизнеске тоскоол болбостон, тескерисинче, анын өнүгүүсүн стимулдашы керек. Бул багытта ашыкча бюрократиядан арылуу үчүн аракеттер көрүлүүдө.
🎉 Иш-чаранын жыйынтыгында бир катар салык кызматынын өкүлдөрүнө министрлер кабинетинин ардак грамоталары жана алкыштары тапшырылды.
