[adrotate_integration id=”2″]
🕵️♂️ Бишкектеги “Ак-Ордо” конушунда кош өлтүрүү боюнча шектелген адамдын окуясы кеңири талкууланууда. Ички иштер министрлигинин маалыматы боюнча, 2006-жылы туулган И.С. аттуу шектүү мурда кармалган, бирок Чүй облусунун Кемин районунда тергөө иштери жүрүп жаткан учурда качып кеткен. Аны кармоо учурунда милиция кызматкерлери курал колдонушкан, натыйжада шектүү каза болгон.
🔍 3-октябрда “Ак-Ордо” конушундагы үйгө белгисиз адам кирип, үй ээсине бычак менен кол салган. Окуя катталып, тергөө-оперативдик топ ишке киришкен. Окуя болгон жерден эркек жана анын эжесинин сөөгүн табышкан.
🔪 Кылмыш иши “Киши өлтүрүү” беренеси боюнча козголгон. Алдын ала маалыматтарга ылайык, эркекке 18, ал эми аялга 11 бычак жарааты келтирилген.
📹 Тергөөнүн жүрүшүндө шектүүнүн сүрөттөлүшү түзүлүп, видеокөзөмөл жазуулары текшерилген. Шектүү И.С. “Коопсуз өлкө” долбоорунун алкагында жүздү таануу системасы аркылуу кармалган.
🚔 Иш ИИМдин жетекчилиги тарабынан өзгөчө көзөмөлгө алынган. Шектүүнү кармоо жана тергөө иштери улантылууда.
