[adrotate_integration id=”2″]🗺️ Кыргызстандын 2030-жылга чейинки Улуттук өнүгүү программасынын алкагында өлкөнүн өнүгүүсүнүн артыкчылыктуу багыттарын талкуулоо максатында Бакыт Торобаевдин жетекчилиги астында жыйын болуп өттү.
📊 Ак-Суу районунун учурдагы социалдык-экономикалык абалына анализ жүргүзүлүп, анын өнүгүүсүнүн негизги багыттары аныкталды. Жыйынга жергиликтүү мамлекеттик администрация, айыл өкмөттөрү жана тиешелүү министрликтердин өкүлдөрү катышты.
🌱 Ак-Суу району кайра иштетүү өнөр жайы, тоо-кен казып алуу, айыл чарба жана туризм тармактарында чоң потенциалга ээ. Инфраструктураны өнүктүрүү, тургундардын жыргалчылыгын жогорулатуу жана туруктуу жергиликтүү экономиканы түзүүгө өзгөчө көңүл буруу зарыл.
📈 Жыйындын жыйынтыгы боюнча Ак-Суу районунун жергиликтүү мамлекеттик администрациясына 2030-жылга чейинки өнүгүү планын Улуттук программадан алынган приоритеттерге ылайык иштеп чыгуу жана айыл чарба, туризм, индустриализация, жашыл энергетика жана регионалдык хаб сыяктуу багыттарда инвестициялык долбоорлорду ишке ашыруу тапшырылды.
💼 Райондун экономикасына мамлекеттик жана жеке инвестицияларды тартуу боюнча ишти күчөтүү зарыл.
