🇰🇬 Кыргызстанга 1-майда Америка Кошмо Штаттарынан депортацияланган 20 жаран келди.
✈️ Бул кайтаруу Нью-Йорк – Ташкент – Бишкек багыты боюнча чартердик каттам менен ишке ашырылды. Ушул максатта Өзбекстан жана АКШ ортосундагы макулдашуулар негиз болгон.
🛑 Америка тараптын маалыматына ылайык, кыргызстандыктар миграциялык мыйзамдарды бузгандыгы үчүн кармалып, атайын жайларда кармалып турушкан. Бардык зарыл процедуралар, анын ичинде соттук териштирүүлөр бүткөндөн кийин, алар депортацияланууга тийиш болгон чет элдиктердин тизмесине киргизилген.
🤝 Тышкы иштер министрлиги Кыргызстандын чет өлкөдөгү мекемелери АКШ жана Өзбекстандагы тиешелүү органдар менен туруктуу байланышта болуп, мекендештердин коопсуз жана өз убагында кайтып келүүсүн камсыз кылганын белгиледи.
⚖️ Башка өлкөлөрдүн, анын ичинде АКШнын миграциялык мыйзамдарын бузуу депортация, кайра кирүүгө тыюу салуу жана башка чектөөлөр сыяктуу олуттуу укуктук кесепеттерге алып келиши мүмкүн экенин министрлик эскертти.
📢 Кыргыз Республикасынын жарандарына чет өлкөлөрдүн мыйзамдарын так сактоону жана укуктук же башка көйгөйлөр жаралганда дипломатиялык жана консулдук мекемелерге убагында кайрылууну катуу сунушталат.
