🌍 Российско-кыргызский фонд развития активдүү ишмердүүлүгүн өлкөнүн бардык аймактарында жүргүзүп жатат. Анын негизги максаттарынын бири — Кыргызстандын бардык аймактарынын тең салмактуу өнүгүүсүн камсыз кылуу.
📈 Фонддун долбоорлорунун 85%дан ашыгы региондордо ишке ашырылууда. Нарын, Талас жана Баткен облустары үчүн атайын шарттар түзүлүп, долбоорлорду каржылоо боюнча талаптар төмөндөтүлгөн.
💰 Бишкек жана Чүй облусундагы долбоорлорго 1 миллион доллардан ашык инвестиция талап кылынса, башка аймактарда бул сумма 200 миң доллардан башталат. Ал эми Нарын, Талас жана Баткен облустарында 100 миң доллардан баштап каржылоо каралат.
🏞️ Фонд жергиликтүү ресурстарды, мисалы, Жалал-Абад жана Баткен облустарындагы кен байлыктарды жана энергетикалык секторлорду талдоо менен иш алып барат. Ысык-Көл облусунда туризм секторлорун өнүктүрүү мүмкүнчүлүктөрү каралууда.
🔍 Фонддун жүргүзгөн изилдөөлөрү жана ресурстук базаны түзүү иштери мамлекеттик органдарга узак мөөнөттүү стратегияларды түзүүгө жардам берет. Мисалы, фонд бир нече жыл мурун тонкорундуу кой чарбасын изилдеп, бул тажрыйбаны Айыл чарба министрлиги менен бөлүшкөн.
🤝 Фонд мамлекеттик органдар менен активдүү кызматташып, өлкөнүн өнүгүүсүнө салым кошууну улантууда.
