🌍 Ашхабадда Кыргызстандын туристтик мүмкүнчүлүктөрү тааныштырылды. Бул иш-чара Кыргызстандын Түркмөнстандагы элчилиги тарабынан уюштурулуп, жергиликтүү органдардын колдоосу менен өткөрүлдү.
🏞️ Кыргызстандын туристтик потенциалынын презентациясы туристтик сезонду ачууга арналган жана түркмөн саякатчыларынын арасында кыргыз туристтик продуктун жайылтууга багытталган.
👥 Иш-чарага туристтик тармакта иштеген 66 түркмөн ишканасынын өкүлдөрү катышты. Аларга Кыргызстандын туристтик мүмкүнчүлүктөрү, анын ичинде кышкы жана жайкы активдүү эс алуу, спорттук жана медициналык туризм боюнча маалымат берилди.
📅 Ошондой эле катышуучуларга Кыргызстанда пландалып жаткан туристтик иш-чаралар — «Туризм 2030: Борбордук Азия бирдиктүү туристтик мейкиндик катары» форуму жана «Салам Ош — 2025» эл аралык туристтик көргөзмө-жарманкеси жөнүндө маалымат берилди.
🛂 Визалык режимдеги жаңылыктар, электрондук виза алуу мүмкүнчүлүгү жана жаңы “Сапар виза” категориясы өзүнчө белгиленди.
🤝 Түркмөн туристтик компанияларынын өкүлдөрү Кыргызстан менен кызматташууга, анын ичинде таанышуу туру жана туристтик тармакта адистерди даярдоо боюнча тажрыйба алмашууга кызыкдар экенин билдиришти.
