[adrotate_integration id=”2″]📜 Министр маданият, маалымат жана жаштар саясаты Мирбек Мамбеталиев жана биринчи орун басары Союзбек Надырбеков “Ата-Бейит” улуттук тарыхый-мемориалдык комплексиндеги оңдоо жана калыбына келтирүү иштеринин жүрүшү менен таанышышты.
📍 “Ата-Бейит” комплекси саясий репрессиялардын курмандыктары жана кыргыз мамлекеттүүлүгүнүн башында турган көрүнүктүү мамлекеттик жана коомдук ишмерлердин ыйык жайы болуп саналат.
🕊️ Комплексте Кыргызстандын тарыхындагы эң трагедиялуу жана унутулгус окуялардын курмандыктарынын элесин түбөлүккө калтыруу максатында эстеликтер орнотулган.
📚 2008-жылы бул жерде эл жазуучусу Чыңгыз Айтматов жерге берилген, 2010-жылы Апрель революциясынын курмандыктары, 2022-жылы Баткен облусундагы мамлекеттик чек араны коргоо учурунда курман болгон аскер кызматкерлери, ошондой эле Кыргыз Республикасынын Баатыры, белгилүү хирург Мамбет Мамакеев коюлган.
🗿 Комплекс аймагында 1916-жылдагы Үркүндүн окуяларында курман болгондордун урматына эстелик орнотулган.
