🔴 Бишкек шаарында мектеп окуучуларынын арасында дем алуу оюндарын ойногон учурлар көбөйүүдө. Бул тууралуу Бишкек мэриясы билдирип, ата-энелерге балдары менен бул коркунучтуу оюндардын кесепеттери тууралуу түшүндүрүү иштерин жүргүзүүнү өтүндү.
⚠️ Балдардын кислород алуу мүмкүнчүлүгүн чектөө же бири-бирин муунтуу менен байланышкан коркунучтуу оюндарга кызыгуусу көбөйүп жатканы байкалууда.
👨👩👧👦 Бишкек шаарынын мектептериндеги администрация жана мугалимдер бул оюндардын коркунучу жана кесепеттери тууралуу түшүндүрүү иштерин жүргүзүүдө. Бирок, ата-энелер балдардын жүрүм-турумуна билим берүү мекемелеринде да, алардын сыртында да олуттуу таасир эте алышат.
🛡️ Балдарга мындай аракеттер абдан кооптуу жана кабыл алынгыс экенин түшүндүрүү зарыл. Ден соолук жана коопсуздук ар дайым биринчи орунда болушу керек.
💬 Ата-энелерге балдары менен ачык сүйлөшүүлөрдү жүргүзүп, алардын кызыгууларына көңүл бурууну сунушташат. Балдар үчүн коопсуз жана кызыктуу убакыт өткөрүүнүн альтернативдүү жолдорун талкуулоо маанилүү.
