[adrotate_integration id=”2″]
🌾 Бишкек шаарында Турдакун Усубалиев атындагы аянтта «АгроТехЭкспо-2025» агропромышлендик көргөзмөсү жана «Алтын күз» азык-түлүк жарманкеси өтүп жатат. Бул иш-чара Кыргызстандын айыл чарба кызматкерлеринин күнүнө арналган.
🚜 Көргөзмөдө заманбап айыл чарба техникалары, кайра иштетүүчү жабдуулар, инновациялык агротехнологиялар, үрөндөр, жер семирткичтер жана өсүмдүктөрдү коргоо каражаттары көрсөтүлүүдө.
🍏 «Алтын күз» жарманкесинде органикалык таза азык-түлүктөр — жашылча-жемиштер, эт, сүт жана нан азыктары, бал, кургатылган жемиштер жана башка жергиликтүү өндүрүштөгү товарлар арзан баада сатылууда.
👨🌾 Иш-чарага өлкөнүн 40 районунан келген фермерлер, ири кайра иштетүүчү ишканалар жана агрардык чарбалар катышууда. Катышуучулар үчүн айыл чарба техникасын жеңилдетилген лизинг жана кредиттөө боюнча консультациялар каралган.
📅 Көргөзмө-жарманке 20-октябрга чейин уланат. Анын максаты — Кыргызстандын агропромышлендик секторунун жетишкендиктерин көрсөтүү, фермерлер, өндүрүүчүлөр жана кайра иштетүүчүлөр ортосундагы кызматташтыкты бекемдөө жана айыл чарба кызматкерлеринин өлкө экономикасынын өнүгүшүнө кошкон салымын белгилөө.
