🌾 Бишкекте Кара-Кыргыз автономиялуу облусунун 100 жылдыгына жана Баткен облусунун 25 жылдыгына арналган көргөзмө-жарманке болуп өттү.
🎉 Иш-чара “Баткенди өнүктүрүү – өлкөнүн өнүгүүсү” II Эл аралык инвестициялык форумунун алкагында өтүп, ага Россия, Кытай жана Түркиядан мамлекеттик органдардын, эл аралык уюмдардын өкүлдөрү жана инвесторлор катышты.
🌱 Жарманкеде түрдүү айыл чарба продукциялары, өнөр жай продукциялары жана жергиликтүү кол өнөрчүлөрдүн эмгектери көрсөтүлүп, аймактын байлыгы жана мүмкүнчүлүктөрү даңазаланды.
🌍 Кайра иштетүү өнөр жайы жана органикалык айыл чарба департаменти биофермерлерге өз продукциясын жана жер семирткичтерин Kyrgyz Real Organic бренди менен сунуштады, бул органикалык дыйканчылыкка болгон кызыгуунун артканынан кабар берет.
💡 Баткен облусуна инвестиция тартуу максатында органикалык продукцияны жана ата мекендик жер семирткичтерди өнүктүрүүгө негизги көңүл бурулду.
