🌆 Бишкектин жаңы Генпланы 2050-жылга чейин шаардын борбордук бөлүгүндөгү жүктү азайтуу максатында төрт райондук борборду түзүүнү камтыйт. Бул концепция ар бир райондук борбордо мектептер, бала бакчалар, оорукана жана башка социалдык мекемелердин жайгашуусун камсыздап, шаардыктардын борборго баруу зарылдыгын жоюуга багытталган.
🚆 Бишкек менен Токмок жана Кара-Балта шаарларын байланыштырган ылдам электричканын ишке киргизилиши пландалууда. Бул аймактардагы жашоочуларга Бишкекке келип иштөөгө муктаждыкты азайтып, шаардагы жүктү жеңилдетет.
🏢 Жаңы Генплан шаарды пландык өнүктүрүүнү жана башаламан курулушту болтурбоону көздөйт. Жеке турак жайлардын ордуна көп кабаттуу комплекстерди жана коомдук зоналарды өнүктүрүү каралган.
🚴♂️ Транспорттук бөлүгүндө Киев көчөсүн жөө жүрүүчү аймакка айлантуу идеясы сакталган. Мында муниципалдык транспорт үчүн атайын тилке, велосипед жолдору жана трамвай линиясы каралган.
🏙️ Бишкектин инженердик тармактары азыр 90% жүктөм менен иштеп жаткандыктан, жаңы Генплан шаардын чыныгы мүмкүнчүлүктөрүн эске алып, туруктуу өнүгүүгө, транспорт системасын жакшыртууга жана экологиялык абалды оңдоого басым жасайт.
