🌾 Бишкекте “АгроТехЭкспо” агро өнөр жай көргөзмөсү жана “Алтын күз” жарманкеси башталды.
🚜 Көргөзмөдө айыл чарба техникаларынын жана жабдууларынын заманбап үлгүлөрү, ошондой эле инновациялык технологиялар жана үрөндөрдүн, жер семирткичтердин жана ветеринардык дарылардын кеңири ассортименти коюлган.
🌱 Катышуучулар агрономия тармагындагы дүйнөлүк алдыңкы өндүрүүчүлөрдүн 250дөн ашык түрлөрү менен тааныша алышат.
💼 Иш-чаранын алкагында айыл чарба тармагын колдоого багытталган лизинг долбоорлорунун бет ачары болду.
📈 Көргөзмөнүн негизги максаты – айыл чарба тармагына инвесторлорду тартуу, айыл чарба техникаларын сатуу үчүн атаандаштык шарттарды түзүү жана фермерлердин заманбап технологиялар боюнча маалымдуулугун жогорулатуу.
🥕 “Алтын күз” жарманкесинде шаар тургундары эт, жашылча жана мөмө-жемиш сыяктуу жаңы азыктарды дүң баада сатып ала алышат. Жарманке үч күнгө созулат.
