🔍 Бишкекте соода борборунда жардыруучу зат коюлгандыгы тууралуу жалган маалымат берген жаран кармалды.
🚨 2025-жылдын 5-майында кечки саат 19:30да 102 номерине анонимдүү чалуу келип, “Азия Молл” соода борборуна жардыруучу зат коюлгандыгы тууралуу кабар берилген.
👮♂️ Окуя болгон жерге укук коргоо органдарынын кызматкерлери тез арада жетип барышты, бирок текшерүү учурунда жардыруучу зат табылган жок.
⚖️ Ленин райондук ИИБ тергөө кызматы бул факт боюнча КР Кылмыш-жаза кодексинин 259-беренеси боюнча кылмыш ишин козгоду.
🔎 Оперативдүү-издөө иш-чараларынын жүрүшүндө 1994-жылы туулган А.Ж. аттуу жаран кармалып, Ленин райондук ИИБ тергөө кызматына жеткирилди жана убактылуу кармоочу жайга камалды.
📜 Тергөөнүн жүрүшү улантылууда. Милиция жалган маалымат берүү үчүн 5 жылга чейин эркинен ажыратуу жазасы каралганын кошумчалады.
