🌿 Бишкекте жеке бала бакчанын атын жамынып иштеген жашыруун нарколаборатория табылып, жоюлду.
🚔 Ички иштер министрлигинин маалыматы боюнча, элиталык марихуана сортторун өстүрүү үчүн автоматташтырылган лаборатория табылып, 19 түп өсүмдүк, 54 грамм гашиш жана каннабисти өстүрүүчү жабдуулар алынган.
🏠 Бул жай “Растишка АВС” жеке бала бакчасынын аты менен иштеп, чынында жашыруун нарколаборатория катары колдонулган.
👥 Кылмыштуу топтун мүчөлөрү, туугандык байланыштары бар адамдар, интернет аркылуу баңгизаттарды өстүрүп, таратуу менен алектенишкен.
🔗 Топтун мүчөлөрү кармалды: К.Д.К. (1993-ж.), Ш.Н.К. (1980-ж.), М.С.Ө. (1992-ж.), С.М.Б. (1985-ж.), К.Ч.Р. (1988-ж.).
💰 Алынган баңгизаттардын көмүскө рыноктогу болжолдуу кирешеси 25 миллион сомду түзмөк.
🕵️ Учурда иштин бардык жагдайларын аныктоо боюнча тергөө-иликтөө иштери жүргүзүлүүдө. Кыргыз Республикасынын Кылмыш-жаза кодексинин 282-беренеси боюнча кылмыш иши козголуп, сотко чейинки териштирүү жүрүп жатат.
