🌍 Бишкекте балдарды эксплуатация жана зомбулуктан коргоо боюнча социалдык өнөктөштүк боюнча тегерек стол өттү.
🤝 Бул иш-чара Бүткүл дүйнөлүк балдар эмгегине каршы күрөшүү күнүнө карата уюштурулуп, балдарды эмгек эксплуатациясынан жана зомбулуктан коргоо системасын жакшыртуу үчүн мамлекеттик түзүмдөр менен жарандык коомдун өз ара аракеттенүүсүн күчөтүүгө багытталган.
📊 Тегерек столдун жүрүшүндө балдарды коргоо жаатындагы негизги чакырыктар талкууланып, жабыркаган балдарды багыттоо жана колдоо механизмдерин реформалоо боюнча аналитикалык материалдар жана сунуштар берилди.
🗺️ БУУнун Балдар укугу боюнча комитетинин 2025-2028-жылдарга карата сунуштарын аткаруу боюнча иш-чаралар планынын ишке ашырылышына өзгөчө көңүл бурулду.
🗣️ Иш-чарада Кыргыз Республикасынын Эмгек, социалдык камсыздоо жана миграция министрлигинин, Балдар укуктары боюнча ыйгарым укуктуу өкүлдүн, Швейцария элчилигинин жана «Оазис» фондунун өкүлдөрү сөз сүйлөштү.
📈 Сессиялардын жүрүшүндө зомбулукка каршы күрөшүү боюнча институционалдык чаралар, балдар эмгегинин абалы боюнча анализ жана ар кандай кызматтар менен уюмдардын аракеттерин координациялоону жакшыртуу боюнча сунуштар айтылды.
👥 Эмгек, социалдык камсыздоо жана миграция министрлиги балдарды зомбулуктан жана эксплуатациядан коргоо милдеттерине берилгендигин ырастап, туруктуу социалдык коргоо системасын өнүктүрүүгө кошкон салымы үчүн бардык өнөктөштөргө ыраазычылык билдирет.
