🌍 Борбордук Азияда диний билим берүүнүн өткөнү, азыркысы жана келечеги талкууланган эл аралык илимий-практикалык конференция Бишкектеги “Ала-Арча” мамлекеттик резиденциясында болуп өттү.
🗣 Конференция гибриддик форматта кыргыз, орус жана англис тилдеринде өтүп, Борбордук Азия өлкөлөрүнүн тажрыйбаларын үйрөнүү, жаңы идеяларды ачуу жана илимий прогресске жетишүү максатын көздөдү.
📚 Иш-чарада Борбордук Азиядагы диний билим берүү тажрыйбасы, Кыргызстандагы диний билим берүү системасы жана мамлекеттик саясат, теология жана дин таануу боюнча адистерди даярдоо, жаңы багыттар жана методдор сыяктуу темалар талкууланды.
🎓 И.Арабаев атындагы КМУнун ректору, профессор Айгүл Абдраева конференциянын катышуучуларына кайрылып, Борбордук Азияда дин таануу жана диний билим берүү процессин трансформациялоо боюнча жаңы профилдерди ачуу аркылуу илимий прогресске жетишүүдө ийгиликтерди каалады.
🤝 Иш-чара Улуттук диний жана этностор аралык мамилелер боюнча агенттик, Кыргызстан мусулмандарынын дин башкармалыгы жана И.Арабаев атындагы Кыргыз мамлекеттик университетинин дин таануу факультети тарабынан уюштурулду.
📜 Конференциянын жыйынтыгы боюнча резолюция кабыл алынды, анда катышуучулар Борбордук Азияда диний билим берүүнүн келечегин жакшыртуу боюнча сунуштарды киргизишти.
