[adrotate_integration id=”2″]
🇰🇬 Бишкекте Кыргыз Республикасынын Коопсуздук кеңешинин катчысы Бактыбек Бекболотовдун жетекчилиги астында Борбордук Азия жана Индия форматында коопсуздук кеңештеринин катчыларынын/улуттук коопсуздук боюнча кеңешчилеринин үчүнчү жолугушуусу өттү. Бул көп тараптуу формат тынчтыкты жана туруктуулукту чыңдоо максатында регионалдык өз ара аракеттенүүнүн уландысы болуп саналат жана коопсуздуктун негизги маселелери боюнча пикир алмашуу үчүн уникалдуу аянтча болуп кызмат кылат.
🌍 Бактыбек Бекболотов өз сөзүндө жолугушуунун эң баалуу жагы – бул абалды баалоодогу жана регионалдык жана улуттук коопсуздукка чакырыктардын жана коркунучтардын таасир этүү даражасы боюнча окшоштуктар экенин белгиледи.
🛡️ Азыркы эл аралык саясий жагдайлар эффективдүү өз ара аракеттенүү жана жемиштүү кызматташтык үчүн негизги чектөөчү фактор болуп саналат. Ишенимдин жоголушу, санкциялык басым жана геосаясий атаандаштык биргелешкен долбоорлордун ишке ашуусун жайлатууда.
🤝 Бул маселелерге жооп катары, коопсуздук жана туруктуулуктун бекем пайдубалында, стратегиялык көз караш жана активдүү дипломатия экономикалык жана маданий байланыштарды тереңдетүү үчүн зарыл куралдарга айланышы мүмкүн.
🔗 Кызматташтык ар тараптуу мүнөздө болушу керек. Ал аскердик жана укук коргоо компоненттерин гана эмес, ошондой эле маданий өз ара аракеттенүүнү, гуманитардык алмашууларды, билим берүү программаларын кеңейтүүнү жана илим жана технология жаатындагы биргелешкен демилгелерди камтышы зарыл.
