🌍 Бишкекте «Мир, эмгек жана элдердин достугу» аттуу эл аралык тегерек стол болуп өттү. Бул иш-чара Кыргыз Республикасынын президенти Садыр Жапаровдун Түрк мамлекеттер уюмунун XI Саммитине катышуусунун жыйынтыгы боюнча иш-чаралардын планынын алкагында уюштурулду.
🤝 Тегерек столдун негизги максаты – тынчтыкты бекемдөө, коопсуз эмгек миграциясын өнүктүрүү, жаштардын иш менен камсыз болушун колдоо жана Түрк мамлекеттер уюмундагы эл аралык ынтымакты чыңдоо үчүн тажрыйба алмашуу жана биргелешкен чечимдерди иштеп чыгуу үчүн эл аралык платформаны түзүү.
🌿 Эмгек министри Равшанбек Сабиров «Мир, эмгек жана элдердин достугу» деген тема түрк элдерин бириктирген терең баалуулуктарды чагылдырарын белгиледи. Ал түрк элдеринин бир туугандыгы жалпы теги жана тили менен эле чектелбестен, кылымдар бою кандуу эс тутум, ишеним, руханий баалуулуктар, баатырдык жана өз ара колдоо менен бекемделгенин айтты.
🌱 2026-жылы Кыргызстанда Түрк мамлекеттер уюмунун өлкөлөрүнүн арасында 4-Жаштар форумун өткөрүү пландаштырылууда. Бул форум жаш лидерлердин тажрыйба жана идеялар менен алмашуусуна өбөлгө түзө алат.
🕊 Садыр Жапаров түрк биримдиги саясий же экономикалык союз эле эмес, элдердин жалпы теги, тили, дини жана маданиятына негизделген руханий байланыш экенин бир нече жолу баса белгилеген.
📊 Тегерек столдун жыйынтыгында катышуучулар Түрк мамлекеттер уюмунун өлкөлөрүнүн диаспора саясаты боюнча өз ара аракеттенүүнү күчөтүү жана жаштардын иш менен камсыз болушуна көмөктөшүү боюнча биргелешкен сунуштарды иштеп чыгышты.
