📈 Бишкекте өткөн бизнес-форум “Ишкерлер үчүн жаңы горизонттор: өнүгүү жана каржылоо” аттуу иш-чара Кыргызстандын бизнес чөйрөсү жана каржы сектору үчүн маанилүү окуя болуп калды.
🤝 Иш-чаранын алкагында эки маанилүү келишимге кол коюлду. Биринчиси, “Мамлекеттик Сактык Уюму” жана “Элдик Банк” экспорттук жана импорттук кредиттерди камсыздандыруу жаатында кызматташуу боюнча келишим түзүштү. Бул кадам ишкерлердин каржылык туруктуулугун бекемдөөгө жана чет элдик рынокторго чыгууга шарт түзүүгө багытталган.
📄 Экинчи келишим “Элдик Банк” жана “Дордой Страхование” ортосунда чакан жана орто бизнеске багытталган камсыздандыруу продуктуларын иштеп чыгуу жана илгерилетүү боюнча түзүлдү. Бул келишим Кыргызстандын жана КМШ өлкөлөрүнүн рыногу үчүн жеткиликтүү чечимдерди түзүүгө багытталган.
💡 Форумда инновациялык каржы инструменттери, экспорттук-импорттук операцияларды камсыздандыруу механизмдери, аймактык соода интеграциясы жана логистиканын өнүгүшү сыяктуу негизги темалар талкууланды.
🌐 D.Business аттуу жаңы санариптик платформа ишкерлер үчүн жаңы бизнес мейкиндик жана коомчулук катары сунушталды.
🔗 Форумдун жыйынтыгында жаңы бизнес байланыштар түзүлүп, өнөктөштүк программалардын презентациясы жана бизнеске кызыктуу жаңы санариптик чечимдердин ишке кириши менен аяктады.
