📚 Бишкекте А.Осмонов атындагы Улуттук китепканада 27-майда Кара-Кыргыз автономиялык облусунун 100 жылдыгына арналган 100 китептин салтанаттуу бет ачары болуп өттү.
🎉 Бул иш-чара Китепкана күнү менен дал келип, мамлекеттик бийликтин өкүлдөрүн, маданият ишмерлерин, жазуучуларды, акындарды, окумуштууларды жана китеп сүйүүчүлөрдү чогултту.
👥 Иш-чарага мамлекеттик катчы Марат Иманкулов, президенттин кеңешчиси Чолпонбек Абыкеев, маданият министри Мирбек Мамбеталиев жана башка белгилүү инсандар катышты.
📜 Министр Мамбеталиев китепкана кызматкерлерин кесиптик майрамы менен куттуктап, президенттин кеңешчиси Абыкеев мамлекет башчысынын куттуктоо катын тапшырды.
📖 100 китептин катарына “Манас”, “Семетей”, “Сейтек” эпостору жана кыргыз адабиятынын классиктеринин эмгектери кирди.
🎶 Китеп майрамы концерттик программа менен коштолуп, анда белгилүү артисттер жана “Ак Шоола” балдар хору өз өнөрлөрүн тартуулашты.
