🎬 Бишкекте бүгүн КМШ, Балтика жана Грузия өлкөлөрүнүн катышуусу менен “Кыргызстан — кыска метраждуу тасмалардын өлкөсү” аттуу 13-эл аралык кинофестивалы башталды. Бул иш-чара 80 жылдыгы белгиленип жаткан Улуу Жеңишке арналган.
🎥 Фестивалга Кыргызстан жана жакынкы чет өлкөлөрдөн 900дөн ашуун арыз түшүп, алардын ичинен 26 тасма тандалып алынган.
🎞️ Кинофестиваль эл аралык жана улуттук эки конкурстук программадан турат. Улуттук программада 13 кыргыз режиссёрунун эмгектери көрсөтүлөт.
🌍 Эл аралык программада 9 өлкөдөн 13 тасма катышат. Кыргызстанды жаш режиссёр Ильгиз-Шернияз Турсунбек уулу “Возрождение” тасмасы менен көрсөтөт.
👩⚖️ Фестивалдын тасмаларын казак режиссёру Ерлан Нурмухамбетов төрагалык кылган кесипкөй калыстар тобу баалайт.
🎉 Кинофестиваль 25-апрелде жыйынтыкталат.
