🚧 Бишкек шаарында Медерова көчөсүнүн 7 Апрель көчөсүнөн Панфилов көчөсүнө чейинки бөлүгү капиталдык оңдоп-түзөөдөн кийин кайра ачылды.
🛣️ Жол оңдоо иштеринде эски асфальт алынган жана эки катмар жаңы асфальт төшөлгөн: биринчи катмар 6 см, экинчиси – майда таш-мастикалык асфальт 5 см калыңдыгында.
🚏 Жолдун эки тарабында жаңы бордюрлар орнотулуп, ирригациялык система калыбына келтирилди. Бардык жол белгилери жаңыланып, зарыл болгон белгилер орнотулду.
🚦 Кээ бир жерлерде жол 5 тилкеге чейин кеңейтилип, кесилиштерде бурулуш үчүн кошумча тилкелер каралган.
💡 Жарык берүү системасын жаңыртуу, токтотмо комплекстерин куруу иштери улантылат. Бул жаңылоо транспорт каражаттарынын кыймылын тартипке келтирүү жана тыгындардын алдын алуу максатында жүргүзүлүүдө.
