🚨 Бишкекте сойкулук жасоочу жай уюштурууга шектелген жаран кармалды.
👮♂️ 2024-жылдын 17-ноябрында саат 05:40та “102” кызматына Чуйков көчөсүндө сойкукананын иштеши мүмкүн экендиги тууралуу сигнал келип түшкөн.
🔍 Окуя болгон жерге барган ыкчам-тергөө тобу акча үчүн интимдик кызмат көрсөткөн кыздар бар экенин тастыкташкан.
💬 Сурак учурунда кыздардын бири сойкукананын уюштуруучусу көрсөтүлгөн кызматтан кирешенин бир бөлүгүн алган “О.” аттуу адам экенин билдирген.
⚖️ Биринчи май райондук ички иштер башкармалыгынын тергөө кызматы тарабынан Кылмыш-жаза кодексинин 160-беренесине ылайык, сойкулукка жана бузукулукка үндөгөн фактылар боюнча кылмыш иши козголду.
👤 Шектүү 1984-жылы туулган жаран кармалып, убактылуу кармоочу жайга киргизилген.
🔎 Кылмыш иликтөө иштери уланууда, укук коргоо органдары далилдерди чогултууну улантууда.
