📚 Сооронбай Жусуевдин 100 жылдык мааракесине арналган китеп жана сүрөт көргөзмөсү Бишкектеги Алыкул Осмонов атындагы Улуттук китепканада ачылды.
🎨 Иш-чарага Кыргыз Республикасынын маданият, маалымат жана жаштар саясаты министринин орун басары Марат Тагаев, Жогорку Кеңештин депутаттары, акындар, жазуучулар, маданият ишмерлери жана коомчулук катышты.
🖋️ Сооронбай Жусуевдин өмүр жолу — бул биздин сыймыгыбыз жана келечек муундар үчүн үлгү. Жаш кезинде ал согуш талаасында мекенин коргоп, кийин кыргыз поэзиясында өчпөс из калтырган.
📖 Акындын алгачкы ырлары согушта, 18 жашында жазылган. Анын “Алдыга жүргүн, кыргыздар!” жана “Биз жеңишчил” ырлары согуш темасына арналган. Андан кийин ал сүйүү, тынчтык жана эмгек тууралуу ырларды жазган.
🎼 Жусуевдин 70тен ашуун ыры композиторлор тарабынан обонго салынып, анын чыгармалары казак, өзбек, украин, азербайжан тилдерине которулган. Ал ошондой эле дүйнөлүк жана орус классиктеринин чыгармаларын кыргыз тилине которгон.
🏅 Көргөзмөдө акындын китептери, кол жазмалары, жеке сүрөттөрү жана сыйлыктары, ошондой эле анын чыгармачылыгына арналган сүрөтчүлөрдүн эмгектери жана тематикалык инсталляциялар көрсөтүлүүдө.
