🗞️ Бишкек шаардык кеңеши борбор калаанын аймагын көрктөндүрүү эрежелерине өзгөртүүлөрдү киргизди.
♻️ Катуу тиричилик калдыктарын чыгаруу жана сактоо боюнча жаңы эрежелер киргизилди. Таштандыны чыгарууга уруксат берилген убакыт кечки саат 18:00дөн түн ортосуна чейин чектелди.
🚫 Контейнер аянтчаларына жана алардын жанында таштанды, анын ичинде күл, дарактын бутактары жана кургак чөптөрдү таштоо катуу тыюу салынат. Бул мыйзамсыз таштандылар менен күрөшүүгө багытталган.
🚛 Жүк ташуучу унаалардын кыймылына чектөөлөр киргизилди. Таңкы саат 07:00дөн 10:00гө чейин N2, N3 категориядагы жүк ташуучу унаалардын жана О2, О3, О4 категориядагы прицептердин өтүүсүнө тыюу салынат. Биринчи керектелүүчү товарларды, тез бузулуучу жана медициналык жүктөрдү, ошондой эле атайын унааларды (тез жардам, өрт өчүрүү жана авариялык кызматтар) алып жүргөн унаалар үчүн өзгөчө учурлар каралган.
🛠️ Товарларды жүктөө жана түшүрүү атайын бөлүнгөн аймактарда гана жүргүзүлүшү керек жана жол кыймылына тоскоолдук жаратпашы зарыл.
🌆 Бул өзгөртүүлөр шаардын санитардык абалын жакшыртууга, жарандардын жана уюмдардын тазалыкты жана тартипти сактоодо жоопкерчилигин жогорулатууга, ошондой эле таңкы сааттардагы логистиканы жөнгө салууга багытталган.
