🌟 Бишкекте “Наставничество: бизнес өстүрүүнүн ачкычы” аттуу жолугушуу-нетворкинг болуп өттү. Иш-чарада ири бизнес-ассоциациялардын өкүлдөрү, ийгиликтүү ишкерлер жана Европа реконструкция жана өнүктүрүү банкынын (ЕРӨБ) “Бизнес аялдар” жана “МикроМентор” программаларынын катышуучулары чогулушту. Бул иш-чара бизнеске туруктуу өнүгүү, бизнес байланыштарды кеңейтүү жана жаңы каржылоо мүмкүнчүлүктөрүнө жетүүдө менторлуктун маанилүү ролун түшүнүүдө чоң кадам болду.
💼 Программанын негизги бөлүгү ЕРӨБ тарабынан каржылоо жана бизнеске колдоо көрсөтүү үчүн инструменттерди, стратегиялык өнүгүү, санариптештирүү жана маркетинг боюнча консультацияларды жана бизнес диагностикасын камтыды. Ошондой эле, TEDx форматындагы тажрыйбалуу ишкерлердин сөздөрү болду.
👩💼 ЕРӨБдүн коммуникациялар бөлүмүнүн башкаруучу директору Ричард Портер саламдашуу сөзүн айтып, “Бизнес аялдар” менторлук программасы Кыргызстандын аймагында 2020-жылдан бери иштеп келе жатканын эске салды. Бул программа аркылуу аял ишкерлер каржылоого, ноу-хауга жана консультацияларга жетишүү мүмкүнчүлүгүнө ээ болушууда.
📊 Программага катышкан ишкерлердин 52% жаңы рынокторго чыгышты, 72% продукциянын ассортиментин кеңейтишти жана 79% сатуу көлөмүн көбөйтүштү. Бул ийгиликтер ЕРӨБдүн жана Швейцария Өкмөтүнүн каржылык демилгелери менен мүмкүн болду.
🌐 “МикроМентор” эл аралык акысыз онлайн платформа катары ишкерлерге дүйнө жүзүндөгү тажрыйбалуу менторлордон кеңеш алуу мүмкүнчүлүгүн берет. Бул платформа аркылуу ишкерлер өздөрүнө ылайыктуу менторду тандап, алар менен каалаган убакта байланышып, бизнес маселелерин талкуулай алышат.
👗 Иш-чаранын бейрасмий бөлүгүндө жеңил өнөр жай тармагында иштеген “Бизнес аялдар” программасынын катышуучулары тарабынан мода көргөзмөсү жана билим берүү кызматтарынын, санарип платформалардын жана жергиликтүү продукциянын көргөзмөсү өткөрүлдү.
