🦗 Бишкекте жашоочулар саранчанын көбөйүшүнө тынчсызданышууда, бирок адистер булар чындыгында кузнечиктер экенин айтышууда.
🔍 Бишкек шаарынын аймагында жүргүзүлгөн изилдөөлөрдүн натыйжасында табылган насекомдор саранча эмес, Tettigonoiidae үй-бүлөсүнө кирген Platycleis Fieber тукумундагы кузнечиктер экени аныкталды. Бул насекомдор адамдардын ден соолугуна жана айыл чарбасына коркунуч жаратпайт.
🚜 Айыл чарба өсүмдүктөрүнүн зыянкечтери менен күрөшүү жана мониторинг жүргүзүү иштери улантылууда. Жаңы очоктор пайда болгон учурда жарандар жергиликтүү бийлик органдарына же түздөн-түз Химиялаштыруу, коргоо жана карантин департаментине кайрылса болот.
🌾 Республика боюнча 114 миң гектар айыл чарба жерлеринде зыяндуу саранчаларды аныктоо боюнча изилдөөлөр жүргүзүлдү. Изилдөөлөрдүн жыйынтыгында 84 миң гектардан ашык аянтта саранчалар табылып, 74 миң гектарында дарылоо иштери жүргүзүлдү.
📊 Жалал-Абад, Ош, Баткен, Талас, Чүй жана Нарын облустарында мониторинг жана дарылоо иштери уланууда.
