25-27-октябрга чейин Бишкекте Кыргыз Республикасынын Соода-өнөр жай палатасы тарабынан уюштурулган ЭКСПО-2024 универсалдуу көргөзмөсү өтөт. Билимкана Аренадагы иш-чарада ар кандай тармактарды, анын ичинде жеңил өнөр жайды жана акыркы технологияларды камтыган ата мекендик жана чет элдик өндүрүүчүлөрдүн товарлары жана кызматтары көрсөтүлөт. Келгендер продукциялар менен таанышып, келишим түзүп, бизнести өнүктүрүү боюнча мастер-класстарга катыша алышат.
Кыргызстандын Нефтетрейдерлер ассоциациясы күйүүчү майдын милдеттүү маркировкаланышына тынчсыздануусун билдирип, баанын көтөрүлүшүнөн жана бизнеске каржылык оорчулук келтирүүдөн кооптонуусун билдирди. Мамлекеттик салык кызматы маркировкалоо салыктын көбөйүшүнө алып келбей турганын жана күйүүчү-майлоочу майлардын жүгүртүүсүн мыйзамдаштырууга багытталганын түшүндүрдү.
Баткен облусу 25 жылдык мааракесин майрамдык иш-чаралар менен, анын ичинде көргөзмө-жарманке, эл аралык инвестициялык форум, илимий-практикалык конференция жана кыргыз күрөшү боюнча турнир менен белгилейт. Майрам гала-концерт жана фейерверк, ошондой эле 25 жаңы объектинин ачылышы менен аяктайт.
Өзбекстанда Кыргызстандын бизнес-делегациясынын «Фуд Сити» дүң соода борборунун өкүлдөрү менен жолугушуусу болуп, анда Кыргызстандын азык-түлүктөрүн, анын ичинде мөмө-жемиштерди, эт жана сүттү жайгаштыруу жана жеткирүү мүмкүнчүлүктөрү талкууланды. Делегация ошондой эле жергиликтуу колбаса жана балык чарба заводдорунун ендуруштук базалары менен да таанышты. Фуд Сити - соодагерлерге жана тамак-аш кайра иштетүүчүлөргө ар кандай кызматтарды сунуш кылган өлкөдөгү эң ири дүң базар.
Монополияга каршы жөнгө салуу кызматы “Hemotest KG” лабораториясына расмий сайтта мамлекеттик тилди колдонууга байланыштуу “Жарнак жөнүндө” КР мыйзамын бузгандыгы үчүн айып пул салды.
Бишкектеги тоңдурулган фри фирмасы Алматыга продукциясын экспорттоп, кубаттуулугун эки эсеге көтөрүүнү пландоодо. Ишкана кредиттердин үстөк пайызы жогору болгондуктан, жаңы жабдууларды сатып алууда кыйынчылыктарга дуушар болууда. Бийлик ставкаларды төмөндөтүү жана насыяларды төлөө мөөнөтүн узартуу механизмдерин иштеп чыгууда.
Кыргызстандын жарандык авиациясы жүргүнчүлөрдү ташуунун өсүшүн байкап, эл аралык каттамдарды, анын ичинде Пекин менен Бакуга жаңы каттамдарды кеңейтүүдө. Бир катар өлкөлөр менен түз аба каттамдарын ачуу боюнча сүйлөшүүлөр жүрүп, аэропортторду реконструкциялоо долбоорлору да ишке ашырылууда. Кыргызстан Евробиримдиктин “кара тизмесинен” чыгуу жана авиациялык коопсуздуктун деңгээлин жогорулатуу боюнча жигердүү иш алып барууда, муну ИКАОнун ийгиликтүү аудити тастыктады.
Кыргызстандын Улуттук банкы 2024-жылдын 8-октябрына карата валюталардын курсун жаңылады. доллар 84,70 сом, евро 92,90 сом, орус рубли 0,89 тиын турат. Коммерциялык банктарда доллар 84,81 сомдон сатып алынып, 85,29 сомдон сатылууда.
2024-жылы Кыргызстанда айыл чарбасын механизациялаштыруу боюнча 10 жаңы уюм түзүлдү, анын ичинде 2 муниципалдык жана 8 жеке менчик. 2016-жылдан бери 152 МТС 3000ден ашык техника паркы менен иштеп жатат. Жылдын аягына чейин дагы 20 МТСтин ачылышы күтүлүүдө.
Казакстандыктардын 70%дан ашыгы референдумда атомдук электр станциясын курууну колдошкон, бул өлкөнүн энергетикалык көз карандысыздыгы үчүн маанилүү кадам болгон. Экономикалык өсүш жана туруктуу энергия булактарына муктаждык шартында Казакстандын жана коңшу республикалардын бийликтери өзөктүк технологияны өнүгүүнүн ачкычы катары карашат. Өзбекстан азыртадан эле өзөктүк долбоорун ишке ашырууда, Кыргызстан болсо «Росатом» менен кызматташуу мүмкүнчүлүктөрүн изилдеп жатат.
