🇰🇬 Президент Садыр Жапаров менен Binance криптовалюталык биржасынын негиздөөчүсү Чанпэн Чжао Кыргызстанга болгон иш сапарынын алкагында Чолпон-Атадагы “Рух-Ордо” маданий борборуна барышты.
🎶 Министр Мирбек Мамбеталиев меймандарга борбордун тарыхын айтып берип, кыска экскурсия өткөрдү.
🪕 Комплекс аймагында коноктор комуз түрүндө жасалган пирсти көрүшүп, улуттук музыкалык аспапта ойногон чеберчиликти баалашты. Садыр Жапаров Чанпэн Чжаого комуз белек кылды.
🍽️ Улуттук даамдардан максым жана курут тартууланып, Чанпэн Чжао кыргыз ашканасынын өзгөчөлүгүн белгилеп, таң калуусун билдирди.
📅 Бүгүн, 4-майда, Садыр Жапаровдун төрагалыгы астында виртуалдык активдер жана блокчейн технологияларын өнүктүрүү боюнча Улуттук кеңештин биринчи жыйыны өтөт, ага Чанпэн Чжао катышат.
