🌍 Бишкек шаарында «Бирдиктүү ден соолук» программасы боюнча регионалдык конференция өттү.
🤝 Конференция Тажикстандын борбору Душанбе шаарында өтүп, пандемияларды алдын алуу, азык-түлүк коопсуздугун камсыздоо жана экосистемаларды коргоо боюнча регионалдык координациялык кеңештин биринчи жыйыны болду.
🌱 Иш-чара Тажикстан өкмөтү тарабынан, Дүйнөлүк банк, Регионалдык экологиялык борбору (РЭЦЦА) жана төрт тараптуу өнөктөштүк – ФАО, ДДУ, ДДУЖ жана ЮНЕП колдоосу менен уюштурулду.
🩺 «Бирдиктүү ден соолук» программасы, саламаттыкты сактоо, айыл чарба, экология жана азык-түлүк коопсуздугу секторлорунун аракеттерин бириктирүүгө багытталган, трансчектик коркунучтарга натыйжалуу жооп берүү жана туруктуу экосистемаларды өнүктүрүү максатында иштейт.
🇰🇬 Кыргызстанды конференцияда табигый ресурстар, экология жана техникалык көзөмөл боюнча вице-министр Алмаз Мусаев жана саламаттыкты сактоо вице-министри, башкы мамлекеттик санитардык врач Бубужан Арыкбаева сунуштады.
📝 Конференциянын жүрүшүндө катышуучулар регионалдык кызматташтыктын приоритеттүү багыттарын, анын ичинде антимикробдук туруктуулук (АМР), пандемияларга жана зооноздук ооруларга даярдыкты жогорулатуу, илимий маалыматтарды мониторингдөө системаларын өнүктүрүү жана «Бирдиктүү ден соолук» боюнча улуттук координациялык структураларды күчөтүүнү талкуулашты.
🗣️ Алмаз Мусаев Кыргызстан «Бирдиктүү ден соолук» концепциясын ишке ашыруу боюнча регионалдык ыкмаларды колдой турганын жана Борбордук Азияда биргелешкен координация механизмдерин түзүүгө активдүү катышууга даяр экенин белгиледи.
