🌿 Баткен облусунда 29-апрелде заманбап технологияларга арналган талаа күнү өткөрүлөт. Бул иш-чарада жемиш жана мөмө-жемиштерди өстүрүү боюнча заманбап агротехника, отургузуу схемалары, кесүү ыкмалары, өсүмдүктөрдү коргоо системалары жана тамчылатып сугаруу системаларын орнотуу тууралуу маалымат берилет.
🌱 Иш-чаранын практикалык бөлүгү Кадамжай районунун Марказ айылында жайгашкан «Арпа Сай Береке Багы» айыл чарба кооперативинин үрөн чарбасында өтөт. Бул чарба мөмө-жемиш жана декоративдик өсүмдүктөрдүн көчөттөрүн өндүрүү жана сатуу боюнча адистешкен.
🚜 Иш-чара фермерлер менен багбандардын квалификациясын жогорулатууга, айыл чарбасын жүргүзүүнүн алдыңкы ыкмаларын киргизүүгө жана түшүмдүүлүктү жакшыртууга багытталган.
