🌍 2025-жылдын башынан бери 28 кыргыз ишканасы Евразиялык экономикалык союздун (ЕАЭС) реестрине кирди. Бул тууралуу Ветеринардык кызмат маалымдады.
📊 Кыргызстандын реестрге кирген ишканаларынын жалпы саны 462ге жетти. Алардын катарына сүт, эт, балык, аарычылык жана канаттуулар боюнча продукция өндүрүүчүлөр, кайра иштетүүчүлөр жана жеткирүүчүлөр кирет.
🥛 Сүт продукциясын өндүрүү менен 44 ишкана алектенет.
🍯 Бал өндүрүү жана сатуу боюнча 72 ишкана иш алып барат.
🐟 Балык чарбасы жана кайра иштетүү боюнча 46 ишкана бар.
🍖 Эт продукциясын өндүрүү боюнча 25 ишкана иштейт.
📦 Жаныбарлардан алынган продукцияны сактоо жана сатуу боюнча 141 ишкана бар.
🚢 Кытай Эл Республикасына экспорттоо үчүн алты кыргыз ишканасы Кытайдын Башкы бажы башкармалыгынын расмий реестрине киргизилди. Ошондой эле, 37 кыргыз ишканасы Кытайга экспорттоого даяр.
🤝 Өзбекстанга экспорттоо мүмкүнчүлүктөрү да кеңейүүдө. Быйыл дагы бир кыргыз ишканасы Өзбекстандын расмий реестрине киргизилди. Жалпысынан 50 кыргыз компаниясы Өзбекстанга жаныбарлардан алынган продукцияны экспорттоо үчүн аттестациядан өттү.
🌐 Түркиянын тиешелүү органы да Кыргызстандын 12 ишканасын реестрге киргизди, бул Кыргызстандын экспорттук географиясын кеңейтүүгө жардам берет.
