🌍 Кыргызстанда 2024-жылдын 10 айында 92 миңден ашык жаран убактылуу жумуш менен камсыз болгон.
👥 КР Эмгек, социалдык өнүктүрүү жана миграция министрлиги үстүбүздөгү жылдын 1-ноябрына карата акы төлөнүүчү коомдук жумуштарга 9164 адам тартылганын билдирди.
💰 Коомдук иштерге катышкандардын эмгек акысын төлөөгө республикалык бюджеттен 23,5 миллион сом бөлүндү.
🏗️ Министрлик менен БУУнун Бүткүл дүйнөлүк азык-түлүк программасынын биргелешкен долбоорлорунун алкагында 12 334 аз камсыз болгон үй-бүлөлөрдүн 61 миңден ашуун адамын камтыган 467 инфраструктуралык жана билим берүү демилгелери ишке ашырылган.
📦 Бул долбоорлордун жүрүшүндө муктаж болгондорго 3183 тоннадан ашык азык-түлүк таратылды.
💵 Ошондой эле калктын аярлуу катмарына тез жардам көрсөтүү боюнча 157 долбоор ишке киргизилип, 3953 аз камсыз болгон үй-бүлөлөр 47 миллион сомдон ашык акчалай жардам алышкан.
🚧 Аткарылган долбоорлордун арасында каналдарды тазалоо, жолдорду кеңейтүү, тротуарларды жана жаңы көпүрөлөрдү куруу, таза суу менен камсыз кылуу үчүн суу линияларын орнотуу кирет.
🌱 Программа ошондой эле аялдарды кол өнөрчүлүккө үйрөтүү, мүмкүнчүлүгү чектелген балдардын ата-энелерине колдоо көрсөтүү жана аймактарды жашылдандырууну камтыйт.
