[adrotate_integration id=”2″]🏥 Министр Эркин Чечейбаев Бишкек шаарындагы “Арашан” жалпы дарыгерлик практикалык борборуна барып, анын ишмердүүлүгү, бейтаптар үчүн шарттары жана инфраструктурасы менен таанышты.
🔍 Министр стационардык бөлүмдөрдү, амбулатордук блокту жана адистештирилген дарыгерлердин кабинетин көрүп чыкты. Борбордо 50 орундуу стационар бар, анын 25и чоңдорго, 25и балдарга арналган.
💰 ЦОВПнын жылдык бюджети 120 миллион сомду түзөт, бул каражаттар ишмердүүлүккө, кызматкерлердин эмгек акысын төлөөгө жана материалдык-техникалык базаны жакшыртууга жумшалат.
♻️ Министр инженердик системаларды модернизациялоо долбоорлорун, атап айтканда, жылуулук насосторуна өтүүнү карап чыкты. Бул жылытуу жана эксплуатация чыгымдарын азайтууга мүмкүндүк берет.
🍽️ Эркин Чечейбаев тамак-аш блогунун ишине жана бейтаптарды тамактандырууну уюштурууга өзгөчө көңүл бурду. Азык-түлүктүн сапаты жана коопсуздугу администрация тарабынан дайыма көзөмөлдөнүшү керектигин баса белгиледи.
👩⚕️ Кадрдык жетишсиздик, адистерди кайра даярдоо зарылдыгы жана эски имараттардын санитардык жана курулуш нормаларына дал келбегендиги талкууланды. Министр жаңы объекттерди курууда жана модернизациялоодо министрлик менен макулдашуу маанилүү экенин белгиледи.
🏗️ Эркин Чечейбаев заманбап талаптарга жооп берген, бейтаптар жана дарыгерлер үчүн ыңгайлуу шарттарды түзгөн мекемелерди куруу зарыл экенин айтты.
