[adrotate_integration id=”2″]🔍 Кыргыз Республикасынын Улуттук коопсуздук мамлекеттик комитети Коргоо министрлигинде жарандарды келишимдик аскердик кызматка чакыруу учурунда коррупциялык схема аныкталгандыгын билдирди.
💰 Коргоо министрлигине караштуу аскер бөлүктөрүнүн биринин командири Б.М.С. Ички иштер министрлигинин аскер бөлүгүнүн аскери М.А.Ж. менен биргеликте кылмыштуу келишимге келип, жарандардан аскердик кызматка кабыл алуу үчүн 70 миңден 90 миң сомго чейин акча алып турушкан.
📅 2025-жылдын 23-сентябрында бул иш боюнча Кыргыз Республикасынын Кылмыш-жаза кодексинин 342-беренесинин 2-бөлүгүнүн 3-пунктуна («Пара алуу») ылайык кылмыш иши козголгон.
⚖️ Бишкек шаарынын Ленин райондук сотунун 2025-жылдын 26-сентябрындагы чечими менен Б.М.С. эки айга Улуттук коопсуздук мамлекеттик комитетинин СИЗОсуна камакка алынган.
👥 Коррупциялык схемага тиешеси бар башка адамдар да аныкталып, аларга карата ыкчам-издөө жана тергөө иш-чаралары жүргүзүлүүдө.
