📊 Кыргыз Республикасынын Салык кызматы маалыматтарды берүү функциясы бар фискалдык программалык камсыздоону колдонуу боюнча пилоттук долбоорду ишке киргизет.
🗓 Долбоор 2025-жылдын 1-августунан баштап 2026-жылдын 31-июлуна чейин Бишкек, Жалал-Абад жана Ош шаарларында жүргүзүлөт.
🔍 Долбоордун максаты – эсептешүүлөрдүн ачыктыгын жана ыңгайлуулугун жогорулатуу, отчеттуулукту автоматташтыруу, салыктык башкаруунун натыйжалуулугун жана салык төлөөчүлөргө кызмат көрсөтүүнүн сапатын жогорулатуу.
💻 Бул пилоттук долбоор салык системасын санариптештирүүнүн маанилүү этабы болуп саналат жана мындан ары ишкерлер арасында фискалдык программалык камсыздоону кеңири жайылтууга шарт түзөт.
📈 Инициатива салыктык башкарууну жакшыртууга жана товарларды, жумуштарды жана кызматтарды эсепке алуу үчүн колдонулган Rkeeper, 1С жана башка программалык продуктылар сыяктуу ички эсеп системаларын камтыган фискалдык программалык камсыздоого бирдиктүү талаптарды орнотууга багытталган.
🏨 Долбоордун катышуучулары болуп төмөнкүлөр саналат:
– 50дөн ашык орундуу мейманкана кызматтарын көрсөтүүчүлөр;
– 100дөн ашык орундуу же 100 кв.м. ашык залдары бар ресторандар жана барлар;
– Май куюучу станциялар, күйүүчү-майлоочу материалдарды сатуу менен алектенгендер.
🤝 Башка салык төлөөчүлөр салык органдары менен макулдашуу боюнча өз ыктыяры менен кошула алышат.
📢 Салык кызматы фискалдык программалык камсыздоонун операторлорун долбоорго катышууга кызматташууга жана диалогго чакырат, бул бизнес эсепке алуу жана кызмат көрсөтүү процесстерин сапаттуу жана натыйжалуу санариптештирүүгө мүмкүндүк берет.
