[adrotate_integration id=”2″]📊 Кыргызстандын Мамлекеттик салык кызматы Бишкек, Ош жана Жалал-Абад шаарларында коомдук тамактануу тармагында иштеген ишкерлер үчүн фискалдык программалык камсыздоону киргизүү боюнча пилоттук долбоордун алкагында окутуу өткөрдү.
💡 Окутуу учурунда катышуучулар программалык камсыздоонун негизги өзгөчөлүктөрү, анын иштөө принциптери жана салыктык жана бухгалтердик эсептеги ролу жөнүндө кеңири маалымат алышты.
📅 Пилоттук долбоор 2025-жылдын 1-сентябрынан тартып коомдук тамактануу тармагында, 1-октябрынан тартып мейманкана бизнесинде ишке киргизилген. 2026-жылдын 1-февралынан тартып май куюучу жайларда да киргизилет.
🎯 Долбоордун негизги максаты — салык төлөөчүлөрдүн ишин жөнөкөйлөтүү жана салык маалыматтарын өз убагында жана так берүү механизмин жакшыртуу.
🖥️ Фискалдык программалык камсыздоо салык төлөөчүлөрдүн ички эсеп системаларын автоматташтырып, бизнес процесстерди оптималдаштырууга мүмкүндүк берет.
🔗 Программалык камсыздоо Мамлекеттик салык кызматынын системалары менен түздөн-түз интеграцияланып, сатуу жөнүндө маалыматты берүү жана контролдук-кассалык машинанын чектерди түзүү мүмкүнчүлүгүн камсыздайт.
📈 Фискалдык программалык камсыздоону киргизүү салык отчеттуулугунун сапатын жогорулатууга жана көмүскө экономиканы кыскартууга багытталган.
