🚧 Көк-Арт ашуусу аркылуу өтүүчү тоннелди бүтүрүү 2024-жылдын 1-декабрына пландаштырылган.
🏗️ 2500 метр бийиктикте жайгашкан тоннелдин узундугу 3890 метр, туурасы 10,6 метр, узартылган бөлүктөрү 14 метрге чейин жетет.
🔧 Учурда тоннелдин ичине асфальт-бетон төшөө иштери аяктап, жарыктандыруу системалары жана вентиляциялык турбиналар орнотулууда.
🛠️ Порталдын дубалдарын бүтүрүү иштери аяктоодо, жакынкы күндөрдө жол белгилерин коюу иштери башталат.
🚦 Тоннелдин кире беришинин алдына асфальт төшөө иштери дээрлик бүтүп калды, 60 метр гана жабынды төшөө керек.
🏞️ Тоннелдин ичинде жалпы узундугу 530 метрди түзгөн 10 кеңейтилген тилкеге асфальт-бетон төшөө иштери уланып, кар көчкү жүрүү коркунучу бар аймактарда конструкциясы бекемделүүдө.
🔍 Курулуш иштеринин сапаты техникалык шарттарга ылайык консультант тарабынан көзөмөлдөнөт.
🌍 Жалал-Абаддан Балыкчыга чейинки альтернативдик жолдун жалпы узундугу 433 чакырымды түзөт, буга чейин каттамга эки эстакадалык көпүрө курулуп, дагы бир тоннелдин курулушу уланууда.
