📬 Бишкекте Кара-Кыргыз автономиялуу облусунун 100 жылдыгына арналган почта маркасынын бет ачары болду.
🎉 Улуттук тарых музейинде өткөн салтанатка санариптик өнүктүрүү министри Нурия Кутнаева жана “Кыргыз почтасы” ААКнын башкы директору Марат Черикчиев баш болгон жогорку даражалуу коноктор катышты.
🖊️ Мааракенин урматына чыгарылган почта маркасында Ишеналы Арабаев, Жусуп Абдрахманов сыяктуу кыргыз мамлекеттүүлүгүнүн түптөлүшүнө чоң салым кошкон чыгаан инсандардын элеси чагылдырылган.
🕰️ Бул эстелик марка өлкөнүн тарыхый мурастарын урматтоону билдирет жана өткөн окуялардын маанисин эске салат.
❤️ Марат Черикчиев марка филателисттердин коллекцияларында да, кыргызстандыктардын жүрөгүндө да маанилүү орунду ээлеп, тарых менен болгон байланышты бекемдей турганын баса белгиледи.
