[adrotate_integration id=”2″]
🛫 Каракол эл аралык аэропортунун модернизациясы туристтик тармакты өнүктүрүүдө маанилүү роль ойнойт.
🛬 Жогорку Кеңештин транспорт боюнча комитетинин мүчөлөрү Ысык-Көл облусундагы Каракол аэропортун кыдырып чыгышты.
🌍 Учурда аэропорт Бишкек–Каракол багыты боюнча жумасына эки рейс, Ош–Каракол багыты боюнча жумасына бир рейс тейлейт. Эл аралык авиакаттамдарды кабыл алуу үчүн даярдыктар көрүлүүдө.
🔧 Аэропорттун директору Сабырбек Нарбаев билдиргендей, аэровокзал саатына 250 жүргүнчүнү кабыл алууга жөндөмдүү. Учуу-конуу тилкесин 2450 метрден 3750 метрге чейин кеңейтүү жана жарыктандыруу системасын орнотуу боюнча иштер жүргүзүлүүдө, бул түнкү рейстерди кабыл алууга мүмкүнчүлүк берет.
📈 Комитеттин төрагасы Мурадил Сыдыков Каракол аэропортунун модернизациясы региондун туристтик тармагын өнүктүрүү жана жалпы эле өлкөнүн социалдык-экономикалык өсүшү үчүн маанилүү экенин белгиледи.
