🌐 Кыргыз Республикасы менен Өзбекстан Республикасынын ортосундагы мамлекеттик чек арадагы үч автоунаа өткөрүү пункту 18-июндан тартып күнү-түнү иштей баштайт.
🚗 “Кадамжай-автожол”, “Чечме-автожол” жана “Ак-Кыя-автожол” өткөрүү пункттарынын жаңы иш тартиби чек араны кесип өткөн жарандар үчүн ыңгайлуу шарттарды түзүүгө багытталган.
🌄 Бул өзгөчө жайкы туристтик сезон учурунда Баткен облусунун кооз жерлерин, анын ичинде Шахимардан анклавын, Курбан-Кол көлүн, Дугоба жана Гаувян капчыгайларын көрүүгө мүмкүнчүлүк берет.
👥 Бул өткөрүү пункттарынан Кыргыз Республикасынын жана Өзбекстан Республикасынын жарандары гана өтө алышат.
📅 Күнү-түнү иштөө режими 2025-жылдын 1-октябрына чейин күчүндө болот.
