[adrotate_integration id=”2″]🎭 Кыргызстандын Абдылас Малдыбаев атындагы Улуттук академиялык опера жана балет театрынын балет артисттери Түштүк Кореяда ийгиликтүү гастролдорун өткөрүштү.
🌟 18-октябрда Сеул шаарындагы Кымнарэ искусство залында чоң Гала-концерт болуп, хореография искусствосунун көптөгөн күйөрмандарын чогултту.
🌍 Бул иш-чара эл аралык маданий алмашууну активдештирүү программасынын алкагында өткөрүлүп, Сеул шаардык кеңеши тарабынан каржыланды. Программа Korea Ballet Stars жана Кыргызстандын опера жана балет театры менен биргеликте уюштурулду.
🩰 Концертте дүйнөлүк классиканын мыкты үлгүлөрү, корей жана кыргыз хореографтарынын автордук чыгармалары, ошондой эле европалык режиссёрлордун заманбап иштери көрсөтүлдү.
👯 Кыргызстандын мыкты бийчилери, анын ичинде Даяна Кыдыралиева, Атабек Садыркулов жана башкалар, ошондой эле Кореянын жылдыздары сахнага чыгышты.
🤝 Кыргызстандын Абдылас Малдыбаев атындагы Улуттук академиялык опера жана балет театрынын чет өлкөлөр менен маданий байланышы театрдын ишмердүүлүгүнүн маанилүү бөлүгү болуп саналат. Түштүк Кореяга гастролдор чыгармачыл стимул болуп, келечектеги өсүүгө өбөлгө түзөт.
