📈 Кыргызстанда бизнес жүргүзүү үчүн ыңгайлуу шарттарды түзүү жана түз чет элдик инвестицияларды тартуу максатында ири бизнеске стимул берүү боюнча конкреттүү чаралар көрүлүүдө.
🤝 Инвесторлорго Кыргыз Республикасынын «Инвестициялар жөнүндө» мыйзамына ылайык, министрлер кабинети менен түздөн-түз жеке инвестициялык келишим түзүү мүмкүнчүлүгү берилет.
💰 Бул норма 10 миллион АКШ долларынан кем эмес каражат салууга даяр болгон, эл аралык ишкердик репутациясы бар жана ийгиликтүү инвестициялык долбоорлорду ишке ашырууда уникалдуу билим жана тажрыйбага ээ инвесторлорго тиешелүү.
🛡️ Инвестициялык келишимдин алкагында инвесторлорго салык жана бажы жеңилдиктери, негизги кызматкерлер үчүн визалык колдоо, долбоорлорду ишке ашыруу үчүн жер тилкелерин тандоо жана каттоо боюнча көмөк көрсөтүлүшү мүмкүн.
🌍 Президенттин алдындагы Улуттук инвестиция агенттиги эл аралык жана жергиликтүү инвесторлорду кызматташууга чакырат жана инвестициялык демилгелерди тапшыруу арызынан баштап, долбоорду ишке ашыруу этаптарына чейин толук колдоо көрсөтүүгө даяр.
