🌍 Кыргыз Республикасы 30-июнда Марокконун Марракеш шаарында башталган Ислам дүйнөсүнүн жаштар форумуна катышууда.
🤝 Форумдун негизги темаларынын бири — пандемиядан кийинки жаштардын абалы. Бул сессияда жаштар саясатынын келечеги, туруктуулук, иш менен камсыз кылуу, санариптик сабаттуулук жана коомдук биримдик талкууланууда.
👤 Кыргызстандын атынан форумга Маданият, маалымат жана жаштар саясаты министринин орун басары Марат Тагаев катышууда. Форумду Ислам кызматташтык уюмунун жаштар форумы уюштуруп, Марокконун жаштар, маданият жана байланыш министрлиги колдоо көрсөтүүдө.
🏆 2025-жылы Марракеш Ислам дүйнөсүнүн жаштар борбору статусуна ээ болду.
🌐 Марат Тагаевдин айтымында, мындай эл аралык форумдарга катышуу Кыргызстандын жаштар саясаты боюнча тажрыйба алмашууга, мыкты дүйнөлүк практикаларды үйрөнүүгө, жаңы өнөктөштүктөрдү түзүүгө жана жаштардын үнүн глобалдык деңгээлге чыгарууга мүмкүнчүлүк берет.
🎭 Форум Марракеште уланууда жана анын программасында панелдик сессиялар, маданий иш-чаралар жана стратегиялык жолугушуулар бар.
