🛎️ Кыргызстандын Мамлекеттик салык кызматы мейманкана тармагында маалыматтарды берүү функциясы менен фискалдык программалык камсыздоону ишке киргизүү боюнча пилоттук долбоорду баштады.
🏨 Мейманкана бизнесинин ишинин өзгөчөлүктөрү коомдук тамактануу тармагынан айырмаланат, ошондуктан система ар бир тармактын өзгөчөлүктөрүн эске алуу менен иштелип чыгат.
📅 Пилоттук долбоор 2025-жылдын 1-сентябрында коомдук тамактануу тармагында башталып, этап-этабы менен ишке ашырылууда: 2025-жылдын 1-октябрынан тарта мейманкана бизнесинде, 2026-жылдын 1-февралынан тарта май куюучу станцияларда.
🏙️ Долбоор 2026-жылдын 31-июлуна чейин Бишкек, Жалал-Абад жана Ош шаарларын камтыйт. Өзүнүн эсептик системалары бар салык төлөөчүлөр долбоорго өз каалоосу менен кошула алышат.
💻 Сервердик кубаттуулуктарды талдоо жүргүзүлүп, учурдагы техникалык ресурстар жетиштүү экендиги жана ашыкча жүктөмдөр күтүлбөй тургандыгы аныкталды.
📊 Фискалдык программалык камсыздоо салык жана бухгалтердик эсепти жүргүзүү, ошондой эле бизнес-процесстерди автоматташтыруу үчүн колдонулган ички эсептик системаларды билдирет. Ал салык кызматынын маалыматтык системалары менен түздөн-түз интеграцияланып, сатуу боюнча маалыматтарды берүү жана ККМ чектерди түзүү мүмкүнчүлүгүн камсыз кылат.
📝 Пилоттук долбоорго катышуу үчүн ишкерлер Мамлекеттик салык кызматынын тиешелүү аймактык органдарына кайрылышы керек.
