[adrotate_integration id=”2″]🌍 Кыргыз Республикасы менен Эсватини Королдугунун ортосунда дипломатиялык мамилелер орнотулду.
🤝 Лондондо өткөн салтанатта Кыргызстандын Улуу Британиядагы элчиси Улан Жусупов жана Эсватининин Улуу Британиядагы элчиси Тандазиле Мбуйиса дипломатиялык мамилелерди орнотуу боюнча биргелешкен коммюникеге кол коюшту.
📈 Бул кадам эки өлкөнүн ортосундагы саясий диалогду өнүктүрүү, соода-экономикалык жана маданий-гуманитардык кызматташтыкты кеңейтүү боюнча кызыгууну көрсөтүүдө.
🌐 Кыргыз Республикасы Африка континентинде да өзүнүн тышкы саясий байланыштарын кеңейтүүдө жана Глобалдык Түштүк өлкөлөрү менен конструктивдүү диалогго умтулууда.
📜 Бул окуя эки өлкөнүн БУУнун Уставынын принциптерине, 1961-жылдагы Вена конвенциясынын дипломатиялык мамилелер жөнүндөгү жоболоруна жана эл аралык укуктун башка нормаларына берилгендигин тастыктайт.
