🇰🇷 Кыргызстандын экономика жана коммерция министри Бакыт Сыдыков Корея Республикасынын Кыргызстандагы элчиси Ким Квангджэ менен жолугушту. Жолугушууда эки өлкөнүн ортосундагы кызматташтыктын учурдагы абалы жана экономикалык байланыштарды тереңдетүү мүмкүнчүлүктөрү талкууланды.
🤝 Республика Корея Кыргызстандын негизги стратегиялык өнөктөштөрүнүн бири катары белгиленди.
📈 Министр Сыдыков өлкөнүн экономикалык абалы жана инвестициялык климатты жакшыртуу боюнча көрүлүп жаткан чаралар жөнүндө элчиге маалымат берди.
🌍 Жолугушууда экономикалык кызматташтык боюнча кыргыз-корей өкмөттөр аралык комиссиясынын, Соода жана инвестициялар кеңешинин, ошондой эле Бишкекте иштеп жаткан Глобалдык жашыл өсүү институтунун (GGGI) ишмердүүлүгүнө өзгөчө көңүл бурулду.
🚀 Тараптар соода көлөмүн көбөйтүүнүн жана биргелешкен өндүрүштөрдү түзүү аркылуу тышкы рынокко чыгуу жолдорунун маанилүүлүгүн белгилешти.
💡 Кыргызстандын экономикасынын негизги секторлорун модернизациялоо үчүн инновациялар жана санариптик технологиялар жаатында корей тажрыйбасын колдонуу мүмкүнчүлүгү өзүнчө талкууланды.
