🌍 КМШнын Өкмөттөр аралык кеңешинин геология жана жер казынасын коргоо маселелерине арналган 27-отуруму аяктады.
🔍 Катышуучулар “2023-2030-жылдарга жер казынасын чалгындоо, пайдалануу жана коргоо боюнча биргелешкен иштердин перспективдүү планын” ишке ашыруу боюнча жетишкендиктерди жана пландарды талкуулашты.
📊 Процесстерди санариптештирүүгө, заманбап геологиялык карталарды түзүүгө жана металлогендик изилдөөлөргө көңүл бурулду.
🤝 КМШ өлкөлөрүнүн өкүлдөрү эл аралык кызматташтыктын жана геология тармагына инновациялык технологияларды киргизүүнүн маанилүүлүгүн баса белгилешти.
✍️ Сессиянын негизги жыйынтыктарынын бири Кыргызгеология менен Бүткүл россиялык геологиялык изилдөө институтунун ортосунда кызматташуу келишимине кол коюу болду.
📅 Келишимге Кыргыз Республикасынын минералдык ресурстарынын картасын түзүү жана жер казынасынын санариптик эгизин даярдоо кирет.
📈 Ошондой эле кызматкерлердин квалификациясын жогорулатуу жана жаш геологдор үчүн биргелешкен экспедицияларды уюштуруу каралган.
🌿 Тараптар Кыргызстан менен Орусиянын геология тармагындагы байланышын бекемдей турган кызматташтыкты 5 жылдан кийин узартуу мүмкүнчүлүгүн макулдашты.
